EHU Master Week azoka birtuala

---

Martxoaren 9an (osteguna), 15:30etik 17:30era, EHU Master Week azoka birtualean izango gara. Parte hartzeko, lehenik eta behin, erregistratu esteka honen bidez: https://ehumasterweasyvirtualfair.com/landing

15 minutuko aurkezpena egingo dugu, eta, ondoren, txatean izango gara zuen zalantzak argitzeko.

Martxoaren 23an, 12:30etatik 14:00etara, 2022ko Master Eguna ospatuko dugu

---

MADERA SOSTENIBLE pública una entrevista sobre el Master

---

MADERA SOSTENIBLE es un periódico digital para la industria española de la madera y el mueble. El eje de este medio de comunicación para los profesionales del sector de la madera son sus noticias, diariamente actualizadas.

 

Master Egunak 2021

---

Datorren otsailaren 17an UPV/EHUko Master Eguna ospatuko da, eta bertan aurkeztuko dugu gure masterra, eguerdiko 13:00etan.

Konektatu zaitez ala etor zaitez Arkitektura Eskolara informazio guztia bertatik bertara jasotzeko!

Informazio gehiago:
Master Egunak: Arkitektura eta Ingeniaritza

Zurezko Egiturak, Eraikuntza eta Diseinu Masterraren aurkezpen-bideoa

---

Josu Benito eta Iñaki Goikoetxeak Zurezko Egituretako Masterra aurkezten digute.

 

Master Amaierako Lanen defentsa saioa

---

2020ko uztailaren 17an 2019-2020 ikasturteko Zurezko Egiturak, Eraikuntza eta Diseinuko Master Amaierako Lanen defentsak egin ziren.

 

1. Epaimahaia

1. Epaimahaiaren saioen grabaketa-bideoa

• ACOSTA, AMALIA: EDIFICIO SAN PEDRO 19. INSPECCIÓN ESTRUCTURAL Y PROPUESTA DE INTERVENCIÓN
• GOIKOETXEA, IÑAKI: MANUAL DE USO Y CRITERIOS DE CONSTRUCCIÓN CON CLT
• VIGUIN, JAVIER: ACÚSTICA EN ESTRUCTURAS DE MADERA VISTAS
• SIGÜENZA, OSCAR: ESTUDIO DE ALTERNATIVA ESTRUCTURAL EN MADERA A UN EDIFICIO EJECUTADO CON SISTEMAS TRADICIONALES
• DE MIGUEL, RICARDO: SECCIONES HUECAS EN EDIFICIOS DE MADERA EN ALTURA (BOX?BEAMS)
• TORREGROSA, UNAI: COMPARATIVA, RESPECTO A LA CAPACIDAD DE ARRIOSTRAMIENTO, DE DOS SISTEMAS CONSTRUCTIVOS DE MUROS CON BALAS DE PAJA REALIZADOS “IN SITU”: EL SISTEMA DE COLUMNA Y EL SISTEMA CUT MODIFICADO

2. Epaimahaia

2. Epaimahaiaren saioen lehenengo grabaketa-bideoa

2. Epaimahaiaren saioen bigarren grabaketa-bideoa

• CARRER, ALEX: CONSIDERACIONES DE CÁLCULO EN CERCHAS LIGERAS EN MADERA
• GONZALEZ, VIOLETA: ESTUDIO DE SISTEMAS CONSTRUCTIVOS NO MASIVOS EN MADERA BASADOS EN LA CARPINTERÍA DE LAZO TRADICIONAL
• GONZALEZ, PABLO: GRANDES LUCES EN MADERA: UNA ALTERNATIVA ESTRUCTURAL PARA EL GIMNASIO MARAVILLAS
• MELGOSA, CELESTINO: INSPECCIÓN DE PUENTES Y PASARELAS DE MADERA
• OLAIZOLA, LARRAITZ: CONSOLIDACIÓN ESTRUCTURAL DEL CASERIO SANONE
• QUINTANA, DAVID: EL ENTRAMADO PESADO EN MADERA. SISTEMA ESTRUCTURAL Y DISEÑO PARA OBRA NUEVA EN USOS MIXTOS?TERCIARIO, EN ALTURA

Zura eta eraikuntza, ongi moldatzen den bikotea

---

Ikertalde batek metodologia bat garatu du zurezko egituren ingurumen jasangarritasuna neurtzeko. IT 781-13 (UPV/EHU) taldeak hamar urte daramatza eraikuntzarako egiturak eta materialak ikertzen (hormigoia, altzairua eta zura). Azken ikerketaren arabera, zura material oso arina eta erresistentea da, eta gero eta gehiago erabiltzen da eraikuntzan, elementu berriztagarria baita eta energia gutxi kontsumitzen baitu fabrikazio prozesuan. Ikerketa horren arabera, zurezko egituren ingurumen jasangarritasuna ere hobe daiteke, material horri eta haren erabilerari zenbait irizpide aplikatuz gero.

 

UPV/EHUko IT 781-13 ikertaldeko kide Mikel Zubizarretak zurak eraikuntza lanetan dituen abantailak azpimarratu ditu: “Egituretan erabiltzen diren beste material batzuk baino erresistentzia txikiagoa eduki arren, isolatzaile hobea da, hau da, energia eraginkortasun handiagoa du eta dentsitate txikiagoa; hortaz, egituraren pisua txikiagoa da. Bestalde, zura material berriztagarria da (zuhaitzak landatu eta hazi egiten dira eta basoak CO2-aren hustulekuak dira), eta Euskadin asko dugu (azaleraren % 55 inguru basoak dira)”.

 

Halere, zura hormigoia eta altzairua baino askoz ere gutxiago erabiltzen da eraikuntzan. Zubizarretaren arabera, honako arrazoi honi zor zaio: “Jendeak zurezko etxe batean bizitzeko errezeloa du: material organiko bat da, ez da hormigoia edo altzairua bezain gogorra, su har dezake…”. Ikertzailearen arabera, mesfidantza horren arrazoia kulturala da, hein handian: “Gaur egun, tratamendu ezin hobeak daude zuraren jasangarritasuna hobetzeko; suaren aurkako jokamoldeari dagokionez, CTE-M arauak ezartzen du nola diseinatu behar den egitura. Europako iparraldean (Alemania, Eskandinavia…), adibidez, zura asko erabiltzen da etxebizitzak eraikitzeko, klima gurea baino askoz ere gogorragoa izan arren”.

 

Hala eta guztiz ere, IT 781-13 taldeko ikertzaileak uste sendoa du gero eta gehiago erabiliko dela zura etxebizitzak eraikitzeko: “Nire ustez, zuraren erabilera handitu egingo da hainbat arrazoirengatik; besteak beste, Eusko Jaurlaritza haren erabilera sustatzen ari delako, Euskadik baso azalera handia baitu. Hori bai: basoa zaindu egin behar da, behar bezala kudeatu behar da, basoberritu egin behar da… Hartara, enplegua eta aberastasuna sortuko lirateke, eta zurak balio erantsi handiagoa izango luke”. Jasangarritasuna ez da soilik ingurumen kontu bat. Etxebizitza bat zurezkoa izateak “ez du automatikoki beste batzuk baino jasangarriago bihurtzen”, adierazi du Zubizarretak. “Ingurumenaren ikuspuntutik, bai, zura hormigoia eta altzairua baino jasangarriagoa da.

 

Jasangarritasuna, ordea, beste faktore batzuen mende dago (gizarte erantzukizuna eta garapen ekonomikoa, kasurako) eta zuraren kudeaketan den-denak izan behar ditugu kontuan. Etxebizitza bat eraikitzeko zura Australiatik ekartzen bada, adibidez, zur horren garraioak nabarmen handituko ditu CO₂ isuriak, eta, bestalde, hemen ez da aberastasunik eta enplegurik sortuko. Horrenbestez, ezin da esan zurez eraikitako etxe hori hormigoi edo altzairuz eraikitakoa baino jasangarriagoa denik”. IT 781-13 taldeak, hain zuzen ere, zurezko egituren ingurumen jasangarritasuna neurtzeko tresna bat garatu du, MIVES ikerketa metodologiaren irizpideen arabera. Metodologia hori erabili da kasu honetan egitura horien Ingurumen Jasangarritasunaren Indize bat sortzeko, hainbat irizpide eta adierazle kontuan hartuta. Adierazle bakoitzak pisu erlatibo bat du; jarraian, balio funtzio bat izendatzen zaio, eta azkenik, 0-1 arteko indize bat eskuratzen da.

 

IT 781-13 taldeak, zurezko egiturak baino lehen, Hormigoizko Egituren Ingurumen Ekarpenen Indizea (2008) eta Altzairuzko Egituren Indizea (2011) ikertu zituen. Informazio osagarria. Ikerketa egin duen taldeak “IT781-13. Sostenibilidad integral en sistemas de edificación y sus materiales” du izena, eta Bilboko Ingeniaritza Goi Eskola Teknikoko irakasleek eta ikertzaileek osatzen dute. Ikerketan honako hauek parte hartu dute: Jesús Cuadrado, Ingeniaritza Mekanikoko doktorea; Belinda Pelaz, arkitektoa; Ignacio Marcos, Ingeniaritza Mekanikoko doktorea; eta, Mikel Zubizarreta, Industria Antolakuntzako ingeniaria. Ikerketa Bilboko Ingeniaritza Goi Eskola teknikoan egin zen, Eusko Jaurlaritzako eta UPV/EHUko dirulaguntza eta bultzadarekin. Erreferentzia bibliografikoa: J. Cuadrado, M. Zubizarreta, B. Pelaz, I. Marcos: ‘Methodology to assess the environmental sustainability of timber structures’ in Construction and Building Materials, July 2015, pages 149-158.

Egurtek Sarien erakusketa inauguratu da

---

Datorren uztailaren 13ra arte, Egurtek sarien 30 panelen erakusketa egongo da ikusgai Donostiako Arkitektura Eskolan. Lan sarituak epaimahaiak aukeratu ditu, lehiaketara aurkeztutako 120 lanen artean.

Horien artetik, Eraikuntza, Interiorismoa, Diseinua, Argitalpena eta Basque Quality Bertako Zura kategorietako 5 irabazleak nabarmentzen dira.

Gero, urriaren 18an eta 19an Bilbao Exhibition Centre-n egingo den biltzarrean, aurkeztutako lan guztiak ikusi ahal izango dira, eta, horrez gain, sariak banatzeko ekitaldia urriaren 19an egingo da.

 

Zurezko Egiturak, Eraikuntza eta Diseinu masterraren lehen edizioaren inaugurazioa

---

Joan den irailaren 7an, UPV/EHUko Arkitektura Goi Eskola Teknikoaren instalazioetan abian jarri zen Zurezko Egiturak, Eraikuntza eta Diseinua masterraren lehen edizioa. Jardunaldian, antolatzaileek, kolaboratzaileek, 18 ikasle berriek eta Oskar Azkarate Baskegur-eko zuzendariak parte hartu zuten, eta azken horrek eman zuen masterraren inaugurazio saioa.

 

Edizio berriaren aurkezpena, berriz, honako hauek egin zuten: Juanjo Arrizabalaga Arkitekturako GETeko zuzendariak, Maite Crespo eta Josemi Rico Batzorde Akademikoko kideek, eta Daniel Luengas eta Francisco González antolatzaileek.

 

Ikasleen aurkezpenaren ondoren, hitz egiteko eta elkar ezagutzeko aukera izan genuen, lehen saioa egin baino lehen.

 

Eskerrak eman nahi dizkiegu masterra babestu eta bultzatu duten Eusko Jaurlaritzaren Nekazaritza, Arrantza eta Elikagaien Politika Sailari eta Baskegur-i, haien laguntza eta inplikaziorik gabe master hau ez litzatekeelako egingo. Eskerrak ere ikasleei, haien presentziaz eta ilusioaz zentzua ematen diotelako prestakuntza proiektu honi.